Ceceの華麗麗烘焙。生活記事

應各Blog友的要求, 同大家分享過糖花蛋糕初體驗之後, 自家製實習成果! 
話說要將 fondant 造色, 需要相當耐性...同埋氣力, 所以...今次做了2個同色系的實習實習, 減少重覆搓色所消耗的時間. 
今次做左雙色花仔, 模具上網都有不少選擇, 加上今次用左royal icing試驗唧出心心圖案, 都幾靚喎! 
呢2個Mini Cake當然, 亦都被我的好同事們吞左落肚. 是次心得...做fondant cupcakes的話, 感覺上會比較簡單啊, 亦可以減少fondant的覆蓋率, 整體會感覺無咁甜. 下次又整下公仔fondant cupcakes, 到時再同大家分享呀! 

(繼續閱讀...)

Cece 愛烘焙 發表在 痞客邦 留言(12) 人氣()

剛過完農曆新年, 話咁快又到情人節喇! 又即係...朱古力 + 心心節, 事關男男女女都會大整sweet sweet朱古力傳情逹意! 
絲絲上年已經做過榛子松露朱古力 (Hazelnut Truffles) 喇, 今年一於攪攪新意思, 仲安排左次事前預演, 一於同大家分享下簡單又"估佢唔到"的黑朱古力士多啤梨 Cake Pops (Dark Chocolate Strawberry Cake Pops)! 
製作非常簡單, 仲可以有好多不同變化, 大家可以發揮創意, 做出一個令"他/她" 意想不到的驚喜! 

材料:
夾心
- 士多啤梨蛋糕, 今次用左Betty Crockers Super Moist Strawberry Cake Mix (各大小超市有售)
- 雲呢拿 Frosting, 今次用左Betty Crockers Rich & Creamy Vanilla Frosting (各來佬超市有售)
飾面
- 黑朱古力鈕, 我用65%可可的 Dark Chocolate Buttons (各大小烘焙店 或 來佬超市 有售)
- 白朱古力鈕, 我用33%可可的 White Chocolate Buttons (各大小烘焙店 或 來佬超市 有售) 

製作方法:
1. 首先焗蛋糕, Cake Mix有多種口味, 可以隨意選擇, 只要依照說明加入雞蛋, 水, 菜油, 打均, 倒入掃上菜油的長型焗盤, 再焗20分鐘左右. 
(*沒梮爐或趕時間的朋友, 這個步驟可以直接省略, 買現時的蛋糕就可以囉)

, 

2. 焗好之後放涼, 整個蛋糕起出放入碗中, 旁邊的部份會比較硬, 所以我用小刀切了外圈, 只用中間的部份就好. 然後用手將蛋糕弄碎, 像右下的樣子.
(*不用擔心蛋糕焗出來不夠好看, 或表面微啡, 弄碎之後都看不到啦, 如果真的有焗燶, 可以切掉那個部份)

3. 雲呢拿Frosting出場囉, 先放個2大匙, 然後混合, 大概變成黏黏狀, 可以造成球型不散開就可以了. 千萬不要一開始就整罐Frosting倒進去, 不夠可以逐少增加, 太多就沒得救啦, 只能加更多蛋糕碎囉. 


4. 之後取出適當份量磋成魚蛋大小的蛋糕球, 放在舖保鮮紙的盤子上, 表面再加一層保鮮紙, 以防水份被抽乾. 
(*趕時間的話, 亦可極速放入冰格10-15分鐘, 只要蛋糕球定一定型同凍, 就可以點朱古力漿囉)

5. 將朱古力鈕放入碗中, 可以坐熱水溶, 記著千萬不要接觸到水同蒸氣呀! 蛋糕球點上朱古力漿, 我是用2個匙, 方便滾動圓球, 這樣會點得比較平均. 注意如果中途朱古力開始凝固, 就要再坐溶才可以繼續, 開始凝固的話, 表面就不夠平滑啦!
(*亦開預熱焗爐100度, 熄火, 再把朱古力連碗放入, 待溶化再攪溶所有朱古力. 小Tips是, 細碗比較不會浪費朱古力啊, 因為黏到碗邊的朱古力會比較少)

6. 點好朱古力的蛋糕球, 放雪櫃凝固一下. 最後, 可以用坐溶的白朱古力, 用小匙倒上朱古力條紋. 很簡單, 把朱古力從匙倒出, 會流出朱古力線條, 一邊前後擺動小匙, 就可以劃出線條囉.

這個變化很多, 大家可以依自己喜歡加上粉紅色朱古力線, 也可以在朱古力漿未完完凝固時, 加上彩色的糖果, 心心裝飾等等. 一於發揮創意, 為你的他/她送上驚喜囉! 
一口咬開還有粉紅色的士多啤梨蛋糕, 象徵甜甜蜜蜜, surprise? 希望大家也會喜歡這個簡單又可愛的情人節甜品! 

(繼續閱讀...)

Cece 愛烘焙 發表在 痞客邦 留言(0) 人氣()

農暦新年有5天假期, 正好在家自制 Icing Cookies, 為親友送上暖暖的祝褔! 
本來想要做個龍字, 但筆劃實在太多, 要在小小的曲奇上畫得好看, 確實有點難度...加上只有一個龍字, 好像不夠新年氣氛啊! 最後, 決定以桃花為造型, 喻意花開富貴, 桃花大旺! 
今次一共製作了28塊 Icing Cookies, 人氣很旺啊! 不出半天就已經被朋友同事搶吃一空啦! 超有成功感的啊! 

這樣吸引的 Icing Cookies, 工序非常繁複, 整個過程大概就斷斷續續花了3天完成. 先焗 Sugar Cookies, 待冷卻放入存氣容器等1天回油, 才可以開始做糖霜裝飾, 以避免曲奇出油化開辛苦畫好的 Icing 圖案啊! 
先用 Icing 畫出外型, 這次配合曲奇形狀, 大概畫出花花的圍邊, 然後用稀釋的 Icing filler 填入框線內, 填中間部份就好, 然後用牙籤輕輕把 Icing 撥向旁邊, 就會造出"漲卜卜" 的光亮效果囉! 

所有曲奇都填好 Icing 之後, 要先等一個晚上, 待 Icing 完全乾透後, 才可以畫上桃花圖案啊! 這確實很需要耐性呢, 但看到收到曲奇的朋友同事們的驚豔表情, 還是很值得的! 
第3天終於可以畫桃花圖案啊, 先畫樹枝, 隨意的形態, 只要避開4枝就好囉, 呵呵! 再用 Icing 點上花瓣, 畫筆點水印乾, 點按 Icing 造成花瓣的樣子, 我都劃 2-3 朵全朵, 加半朵的, 有點變化的感覺. 都畫好之後, 當然又要待 Icing 畫花完全乾透, 大概等1個晚上, 就可以包裝囉! 

很開心收到的朋友們都很喜歡, 大讚我的曲奇好吃又漂亮呢! 很希望, 有一天可以擁有自己的烘焙店, 可以將這份快樂, 跟更多的人分享! 不知道, 先成立網上訂購的話, 會不會有生意呢? 呵呵!
最後祝大家龍年好運, 心想事成, 桃花旺旺旺!!!  

(繼續閱讀...)

Cece 愛烘焙 發表在 痞客邦 留言(49) 人氣()

一直很愛整餅, 最近無意中看到網友造的糖花蛋糕, 非常精緻, 忍不住去學了糖花Mini Cake.
雖然Miss已經預先幫我們焗好蛋糕, 打好忌廉, 但單單是組合跟裝飾4個迷你糖花蛋糕, 就用了4個半小時! 真是件件精心傑作, 與其說是整餅, 更像打造藝術品. 
努力了整個下午, 終於見到制成品, 成功感滿分! 

(繼續閱讀...)

Cece 愛烘焙 發表在 痞客邦 留言(10) 人氣()